ఈ నేతలు ఎప్పుటికి మారతారో నేస్తమా..!

ఎందుకో మనకే ఈ దౌర్భాగ్యం
అప్పటి వరకూ వారు 
మన తెలుగు వారే..!
అంతకు ముందు వారు
ఎక్కడికెళ్లినా మాట్లాడేది స్వచ్చమైన తెలుగే
తీరా కుర్సీలో కూసునే సరికి
మారిపోతారు ఇంగ్లిపీసు దొరలా..!
తెలుగు నాకు తెలీదు
అన్నట్టుగా ఉంటాయి వారి చేష్టలు 
ఏ రాష్టంలో లేని ఈ జబ్బు 
మన తెలుగు వారే చేస్తున్నారు గబ్బు
అసెంబ్లీ లో లేరుగా ఇంగ్లీషు దొరలు
ఉన్నవారంతా తెలుగు దొరలే కదా
మరెందుకు చుపిస్తారు నేతిబీర గాంభీర్యం
పామరుడికి కూడా అర్ధం కావాలిగా వారి తీరు 
ఈ నేతలు ఎప్పుటికి మారతారో కదా నేస్తమా..!