Namaste Nestama

సిగ్గుమాలిన పనిచేసినందుకు
తలదించుకోవాల్సిందిపోయి..
బుకాయింపులు, సమర్ధింపులు
అడ్డగోలు వాదనలు, అనవసర రాద్దాంతాలు..
అందుకే అన్నారు పెద్దలు
రంకు నేర్చినమ్మ బొంకు నేర్వదా అని...
రేవంత్ ఎపిసోడ్ కర్మ,కర్త,క్రియ
అంతా మౌనం వహిస్తూ..
ఎత్తుకు పైఎత్తులు, వ్యూహప్రతివ్యూహాలలో
కేసు నుంచి బయటపడేలా పన్నాగాలు..
నిజాలను నిగ్గుతేల్చాలని
డిమాండ్ చేయాల్సిన నేతలు..
తూతూ మంత్రంగా
మొక్కుబడి ప్రకటనలు..
అవినీతి పనులకు ఉసుగొల్పిన సూత్రదారే
నీతిపై ప్రజలతో ప్రమాణాలు చేయించడం...
ప్రజా స్వామ్య విలువల
వలువలను ఊడదీసినట్టు కాదా నేస్తమా..!