ఎప్పడొస్తుందో అందరు మెచ్చేపాలన చంద్రన్నా..

విమర్శలకు తావులేని
పాలన చేయలేరా చంద్రన్నా..
ప్రజలు మెచ్చే పాలన
చేయలేరా చంద్రన్నా..
నేను మారానని
చెప్పారు కదా చంద్రన్నా..
ఏది మీరు మారిన
విధం చంద్రన్నా..
సీమాంధ్ర రాజధానికేమో
చందాలంటారు చంద్రన్నా..
వదిలేసే దానికి పదికోట్లు ఖర్చు
ఎందుకు పెడుతున్నారు చంద్రన్నా..
విలాసాలకు ఇస్తున్నారు బంపర్ ఆఫర్లు
పథకాలకేమో పెడుతున్నారు కోతలు
ఇదేనా మీరు మారిన తీరు
ప్రతిపక్షాలతో ఉండదా మరి ఆ పోరు
వందరోజులు గడిచినా కాలేదు
మీ తొలిసంతకం అమలు
ఇది మీ పాలనకు
మచ్చుతునక కాదా చంద్రన్నా..
ఇదెక్కిడి రాజ్యమో..
ఇది ఎవరి రాజ్యమో.. చంద్రన్నా...
ఎప్పడొస్తుందో అందరు
మెచ్చేపాలన చంద్రన్నా..          @ రాజేష్ @