Namaste Nestama

హెల్మెట్ ధరించడం మంచిదే
ప్రమాదాలు నివారించవచ్చనడంలో
ఎటువంటి సందేహం లేదు నేస్తమా..!
ఎలక్షన్లలో ఆర్ధికంగా సహకరించారని
ఆ కంపెనీ వారి స్వప్రయోజనాల
కోసమైతే ప్రభుత్వం మళ్ళీమళ్ళీ
తప్పు చేస్తున్నట్లే ఉంది నేస్తమా..!
ప్రమాదం వాటిల్లకూడదంటే
ప్రమాణాలున్న హెల్మెట్ ధరించాలి
అది కొనాలంటే కనీసం ప్రతి ఒక్కరూ
వెయ్యి రూపాయిలు పైనే వెచ్చించాలి నేస్తమా..!
కేవలం పోలీసులు కేసు రాస్తారనే
భయంతో ప్రమాణాలు లేని (ఫైబర్)
హెల్మెట్లే కొంటూ నెట్టుకొచ్చేస్తున్నారు
అవి ధరించిన వారు ప్రమాదాలకు గురై
చనిపోయిన సందర్భాలు చాలానే ఉన్నాయి నేస్తమా..!
ఏదైనా ప్రజా ప్రయోజనం కోసం
చేసే పని చిత్తశుద్దితో చేస్తే మంచిది
60 నుంచి 80వేలు పెట్టి బండి కొనేవారు
వెయ్యి రూపాయలుపెట్టి హెల్మెట్ కొనలేరా ఏంటి
బండితోనే హెల్మెట్ ను కూడా తప్పనిసరి చేసి
సరసమైన ధరకు నాణ్యమైన హెల్మెట్ విక్రయించేలా
చర్యలు తీసుకోవాలనేదే నాకంఠశోష నేస్తమా..!